Complainte d'amour

Hé ! aloete
Joliete
Petit t'est de mes maus

(I) S'amor venist a plesir
Que me vousist sesir
De la blondette
Saverouste,
J'en fëusse plus baus.

Hé ! aloete
Joliete
Petit t'est de mes maus

(II) Amors tant com li plaira
Ces maus soufrir me lera
Ja por destrece
Que en moi mece
Ne serai plus li faus.

Hé ! aloete
Joliete
Petit t'est de mes maus

(III) Ne veuille amors endurer
Ces maus longuement durer
De la doucete
Que tant conveite
Ne sent de ses assaus.

Hé ! aloete
Joliete
Petit t'est de mes maus